කොවිඩ් වෛරසය වැළඳුණු ආකාරය අනාවරණ වී නොමැති තවත් පුද්ගලයෙකු වික්ටෝරියා ප්‍රාන්තයෙන් වාර්තා වී තිබේ.
ප්‍රාන්ත සෞඛ්‍ය දෙපාර්තමේන්තුව ඊයේ (29) රාත්‍රී කාලයේදී එය තහවුරු කල අතර අද පෙරවරුවේ නිකුත් කෙරෙන නිල කොවිඩ් සංඛ්‍යාලේඛණ වාර්තාවට මෙම ආසාධිතයා පිළිබඳ තොරතුරු ඇතුළත් කෙරෙනු ඇත.
මේ අනුව දින 02 ක් තුළ වික්ටෝරියා ප්‍රාන්තයෙන් අභිරහස් කොවිඩ් ආසාධිතයන් දෙදෙනෙකු වාර්තා වී තිබේ.
කොවිඩ් පරීක්ෂණ මධ්‍යස්ථානයේ සේවකයෙකුද ඩෙල්ටා වෛරස් ආසාධිතයෙකු ලෙස හඳුනාගත් අතර ඔහුට වෛරසය වැළඳුණු ආකාරය මේ දක්වා හෙළිකරගෙන නැහැ.
