Moonee Valley Racecourse හි පිහිටුවා ඇති drive-through කොවිඩ් පරීක්ෂණ මධ්‍යස්ථානයේ සේවකයෙකුට කොවිඩ් වෛරසය වැළඳී ඇතැයි හෙළි කරගෙන තිබේ.
ඒ අනුව එම ස්ථානය වසා දමා ඇති අතර සියලු සේවකයන් නිරෝධායනයට යොමු කර ඇත.
අදාළ සේවකයා සේවයේ නියුතුව සිටි වේලාවේදී එම ස්ථානයට කොවිඩ් ආසාධිතයෙකු පැමිණ ඇති දැයි මේ වනවිට විමර්ශන ආරම්භ කර තිබේ.
වික්ටෝරියා සෞඛ්‍ය අමාත්‍ය Martin Foley පැවසුවේ අදාළ සේවකයා පසුගිය සඳුදා සිට රෝග ලක්ෂණ පෙන්නුම් කර ඇති බවයි.
මෙහි අවධානම අවම නමුත් අවධානයෙන් පසුවන බවද සෞඛ්‍ය ඇමතිවරයා පැවසීය.
ඊයේ දිනයේදී වික්ටෝරියා ප්‍රාන්තයේ කොවිඩ් පරීක්ෂණ 35,862 ක් සිදුකර තිබිණ.
