BMW සහ Audi වර්ගයේ සුපිරි මෝටර් රථ 02 ක් සොරා ගත් අවුරුදු 17 ක තරුණයෙකු / 17 ක තරුණියක සහ 14 ක පිරිමි ළමයෙකු වික්ටෝරියා පොලිසිය විසින් අත්අඩංගුවට ගෙන තිබේ.
Hastings සිට Geelong දක්වා ධාවනය කරමින් තිබියදී අද පෙරවරුවේ මෙම අත්අඩංගුවට ගැනීම සිදුකර තිබිණ.
Balwyn North හි Lemon Road හිදී Audi මෝටර් රථය ඊයේ රාත්‍රියේ සොරකම් කර ඇති අතර Braeside හිදී BMW මෝටර් රථය සොරකම් කර ඇති බවයි වාර්තා වන්නේ.
Monash Freeway, Westgate Freeway හා Princes Freeway හිදී රථ නතර කිරීමට පොලිසිය දුන් උපදෙස් නොතකා එය ධාවනය කරවා තිබිණ.
සැකකරුවන් අතර සිටින 17 හැවිරිදි තරුණයා Cranbourne හි පදිංචි අයෙකු වන අතර 17 හැවිරිදි තරුණිය Cranbourne West හි පදිංචිකාරිණියකි.
14 හැවිරිදි පිරිමි ළමයා Dandenong පදිංචිකරුවෙකු බව වික්ටෝරියා පොලිසිය කියයි.
