බටහිර ඔස්ටේ්‍රලියාවේ හෝටල් නිරෝධායනයේ යෙදී සිටි පුද්ගලයෙකු ඇඳ ඇතිරිලි යොදා ගනිමින් කාමරයෙන් පළායාමේ පුවතක් වාර්තා වෙයි.
39 හැවිරිදි මොහු පසුව අත්අඩංගුවට ගෙන ඇත.
බ්‍රිස්බන් සිට පර්ත් දක්වා පැමිණ ඇති මොහු නියමිත කොන්දේසි සපුරා නොමැති බැවින් ආපසු හරවා යැවීමටයි බටහිර ඔස්ටේ්‍රලියා ප්‍රාන්ත බළධාරීන් කටයුතු කර ඇත්තේ.
ඒ අනුව පැය 48 ක් හෝටල් නිරෝධායනයේ යෙදී සිටීමෙන් පසු නැවත බ්‍රිස්බන් දක්වා ගුවන් මගින් ඔහු පිටත් කර යැවීමට නියමිතව සිටියදීයි මෙම පුද්ගලයා හෝටලයෙන් පළාගොස් ඇත්තේ.
ඊයේ අලුයම 12.45 ට පමණ මොහු 04 වන මහලෙන් පැන ගොස් ඇති අතර පැය 08 ක මෙහෙයුමකින් පසු ඔහු සොයාගැනීමට ආරක්ෂක අංශ සමත්විය.
Pic – 9News
